Listen to the 8th anniversary of December 13 program from Gorom Refugee Camp

Nïr dwää 12-13-2011 wang cängngï, bee dicing Thøø mana dïïr wïïa Anywaa dïbwöör ree, yi pääny mar Gambëlla, ki 2004, kanya bwööng jiyi mo thööth wøk ki yi paayø køør cwiiri maa abära enø.

Ajiem ki wäädö oen yi wuuö Jwøk, kipper jiyi bëët moa ring wøk ni bøth ri thøø goe ki moa dööng yi paac, kipper mana käär øøni ki jööt dëël keel kar kany eno.

Nyimera, enø, do beera man ö jiyi bëët ni par gi wïthi gi ki dïcäng man kipper gïïa tägo røø ni wøpe døc.

Kipper ena teeng yi näk mo raac døc døc mo poot kar tägö cøøn røø, mo wïthö ba will kigø na bärë mano bëët jiyi wøk ngää paac wala gøc kanyo døø jiyi paayø yie yi nyimë.

Kaa adïïrï møn, nyïmera, tier näk marø wala jiyi mwoa näk øøni ngääö bëët ki man näg mo AKOOM joo ithiopia. Naa näk jiyi (Anywaa) mo kwäängi kwuch. Manø gø, thøwo paa gïn mo jiyi dïïrö kigø. Ba, enø, cwiiri amëëtö wøk bäätö ni bang løø kwöör wala ngøl kwöör mo coolø ni wøpe døc døc rigi. Käc, ki can, ki riew, ki öölö gøc kitäwe mo teengi teengi bëët, jiyi poot bëëdö no bolo ki luumë.

Kööre, nøø, Akëël ai wane wala orøme kingø con? Jiyi odïïrö ki pänh cwïny, ki cwung wïc mot eek ni bang ngääth dëël ki røk ni tïm lwääri kaa ataa mo päl ni ena dïïö keel enø. Kipper manøgø nø bëëtë yi paap, Manya mak røk nit tek døc ki cwïny bärë ki ngäädhë. Køøre, man, caya jiyi (cwøw ki män) mo jwiic gi ii cïbo bärë kipper ööny wøk kiyi caarø.

Kaa teeny mana näg okøø.

Uuni thøw dïcäing ngi, ni bøth, ni ring wøk bëët, gïnø rømi kitïïc kipper caarø marø nee nguulë, man, bee karø nø. Cäätö re ni wøpe døc keel yi nyimë.

Eni møn, teeng yi näk mana näk jiyi kigø näg øø paarö, ena gïïn mo tägö ri with juurë møøk mo ceele ceele mïc Afrïca wala bäät piny ki røk cwiiri mo ïth gi poot cäärö. Baa, kipper mana näg mo ena teeng yi näk mo raac døc døc, ciik mot eek acïp jøø bäät pinyi kiperee.

Kipper manø gø nø, bëëdö / thøø mar dïcäing man / ni di wøørø dïngööma Anywaa dïbwöör bärë, ki ïth cwiiri cooth wang cäng man, ni jiyi kïmmo nyïm wuuö Jwøk, kipper cäng bärë kanya acelø, ni mar jø wa kïn tier thøø ki kwööc reem jiyi bëët mwoa näk gøc kipper ngööm paac bëëtö.

Enø gø nøø! Uuna pwoaa.

Gorom Refugee Camp posters during the 8th anniversary of December 13 Massacre Day on 12-13-2011